Trending at inabangan ng maraming netizen lalong lalo na ng kanyang mga subsrcribers, fans, at followers ang sikat na vlogger na si Zeinab Harake sa kanyang paglalaro sa segment na ‘Mas Testing’ ng It’s Showtime noong nakaraang Martes, ika-8 ng Setyembre.
Ngunit, maliban dito ay naging trending din si Zeinab dahil sa mga panunukso sa kanya ng mga kapwa niya rin panauhin na si Robi Domingo kay Donny Pangilinan.
Sa naturang segment, si Zeinab ang ang naging ‘Tumpak Tracer’ habang sina Donny naman at Robi ang mga ‘Persons Under Testing’.
Ngunit, bago pa man opisyal na magsimula ang laro, nagkaroon na ng tuksuhan kina Donny at Zeinab na pinangunahan ni Donny.
Habang ipinapakilala pa si Zeinab bilang guest sa programa, agad sumingit si Robi sa usapan at sinabing mayroon umanong gustong bumati sa vlogger.
“Gusto ko lang sabihin, Hi daw sabi ni Donny,” pasimpleng panunukso pa ni Robi sa kaibigan.
Denepensahan naman ni Donny ang kanyang sarili mula sa panunuksong ito at sinabing biro lamang umano ang sinabi ng huli.
Ngunit, dagdag saad pa ni Robi, nasa dressing room pa lamang umano sila ay nabanggit at napag-usapan na raw ina Donny si Zeinab.
Dahilan naman ito upang mas lalo pang tuksuhin maging ng mga host sina Donny at Zeinab.
Hindi pa rito natatapos ang panunukso ng mga ito sa dalawa dahil mas lumakas pa ito ng tanungin ni Vhong ang dalawa kung ‘single’ daw ba ang mga ito.
Sagot naman ni Donny, single umano ito ngayon kaya naman, nang sumagot din si Zeinab na single din ito ay mas natuloy pa ang kanilang panunukso sa dalawa.
Sa kabilang banda, mukhang hindi lamang si Donny ang mayroon ding paghanga sa vlogger dahil maging ang host na si Ryan Bang ay lumabas pa talaga sa dressing room para panoorin sa gilid ng entablado ang vlogger.
Dahil naman sa mga panunuksong ito ni Robi, naging trending topic agad ito sa social media at agad na binansagan ng mga netizen ng ‘DoNab’ ang umano’y tambalang Donny at Zeinab.
Kanya-kanyang labas naman ng kanilang pahayag ang mga netizen na ito na hindi mapigilang kiligin sa dalawa. Napansin umano ng mga ito na bagay nga naman daw sina Zeinab at Donny at may posibilidad din na pwede ang dalawa dahil pareho itong single.
Tungkol naman dito, hindi naiwasan na ikumpara ng mga netizen si Donny sa ex ni Zeinab na si Daryl Ruiz, o mas kilala bilang si Skusta Lee. Ani ng mga ito, di hamak raw na mas lamang kay Skusta si Donny kaya botong boto umano ang mga ito para sa vlogger.
Kaya naman, kung sakali ay maging totoo umano ang tuksuhang ‘DoNab’ ay walang duda na susuportahan umano nila ito.
Ang naging guesting naman na ito ni Zeinab sa It’s Showtime ay ang pinakaunang beses na lumabas ito sa telebisyon. Dahilan ito para abangan ng marami ang vlogger kung saan umabot pa nga hanggang sa #1 trending topic ng Twitter ang kanyang paglabas sa programa.
Panoorin ang buong video dito!
Source: Kiat Media
0 Comments