Minsan, kung sino pa ang wala masyadong yaman sa buhay ay siya pa ang madalas na nag-aabot ng tulong sa mga mas nangangailangan.
Isang halimbawa nito ay ang isang taho vendor na nakunan ng video ang ginawa nitong kabutihan sa isang palaboy sa kalye.
Nakunan ang nakakaantig na pangyayaring ito ng security guard na si Edhil Escarez sa isang highway sa Lipa, Batangas. Sa video na kanyang nakunan nito lamang Miyerkules, ika-16 ng Setyembre, makikita ang pagdaan ng isang naglalako ng taho.
Sa tabi ng daan, mayroong isang umano’y pulubi o palaboy na nakaupo lamang. Hindi inaasahan ng sekyu ang sumunod na pangyayari kung saan, makikita ang paghinto ng taho vendor at pag-aabot nito ng taho sa naturang pulubi na hindi naman nito kakilala.
Dahil sa simpleng kabutihan na kanyang nasaksihan ay ibinahagi ni Escarez ang naturang video sa social media at agad na naging trending. Kagaya ni Escarez, maraming mga netizen ang naantig sa simpleng kabutihan na ipinamalas ng naturang taho vendor.
Ayon pa kay Escarez, sa kabila umano ng maliit na kita ng naturang naglalako ng taho, nakakatuwa umanong masaksihan na wala itong pagdadalawang isip na tumulong sa kapwa. Kaya naman, humahanga umano siya sa naturang taho vendor.
“Natuwa po ako kasi hindi ko akalain na sa kabila ng kakarampot na kinikita ng isang taho vendor, eh nakuha pa niyang magbigay sa ibang tao na walang kapalit. Saludo po ako sa mga kagaya niyang may mabuting kalooban,” saad pa ni Escarez.
Ayon pa sa mga netizen na nakapanood ng naturang video, patunay lamang umano ito na kung sino pa ang mulat sa hirap at hindi nabiyayaan ng magarang pamumuhay ay siya pa umanong may malaking puso na tumulong sa mga mas nangangailangan.
Nakakatuwa umanong masaksihan na buhay pa rin ang diwa ng pagtulong sa mga Pilipino sa kabila ng dobleng hirap na kinakaharap ngayon ng mga ito lalong lalo na ang mga maituturing na mahihirap.
Hindi umano matutumbasan ang kabutihan na ipinakita ng naturang taho vendor ng ibang mga makapangyarihan na tumutulong nang hindi naman bukal sa puso.
Heto pa ang ilan sa mga ibinahaging komento ng mga netizen tungkol sa naturang taho vendor:
“Less fortunate people mostly help the needy as they know how it feels being empty and helpless. Salute to you kuya taho vendor. God bless you always…”
“This is how you measure kindness. When you do not have much yet you are still willing to give. God bless you manong taho vendor.”
“Pwedeng lagi nang ginagawa ‘yan nung magtataho kaya nag-video ‘yung guard kasi alam niya na gagawin nung mag tataho. Kung araw2 siya andyan sa duty post niya, malamang hindi ‘yan ang unang beses na nakita ng guard na binibigyan ng taho vendor ‘yung pulubi.”
“That cannot be matched by millions donated by politicians/rich-people because he gave even if he had nothing. Godbless your journey legend.”
“Dahil alam ng taho vendor ang salitang ‘Hirap’ at ‘Gutom’. Di mo kailangang maging mayaman para tumulong, mostly mahihirap lang din ang nakakaintindi nito. There's still hope for humanity. God bless po.”
Panoorin ang buong video dito!
Source: Kiat Media
0 Comments