Hindi naiwasan ng komedyanteng si Long Mejia na mamangha sa malaki at modernong bahay ng kanyang kaibigan at kapwa artista na si John Estrada nang ginawan niya ito ng ‘house raid’ para sa kanyang vlog.
Gaya ni Long, namangha rin sa bahay ni John ang mga netizen dahil sa ganda ng disenyo nito. Sino ba naman ang hindi mamamangha kung ang bahay na ito ni John ay nakatayo lang naman sa isang Golf course.
Sa naturang vlog, bagama’t puro biruan ang naging pag-uusap ng dalawa, hindi naitago ni Long ang kanyang pagkamangha hindi lamang sa bahay at mga sasakyan ng kaibigan kundi pati na rin sa paligid ng bahay ni John.
Dito, makikita ang malapad na tanawin sa labas ng bahay ni John na kita agad pagpasok pa lamang sa tahanan nito. Kapansin-pansin din ang simple ngunit kakaibang disenyo ng loob ng bahay ng aktor na talagang napakaaliwalas.
Agaw atensyon din sa mga netizen ang swimming pool ni John sa kanyang bahay kung saan, mula dito ay tanaw na tanaw ang malawak na paligid ng bahay ni John. Hindi man kalakihan ang pool na ito ngunit, tamang-tama lamang ito sa disenyo at konsepto ng bahay.
Pagpasok pa lamang ni Long sa bakuran ng bahay ni John, una na agad nitong napansin ay ang mamahaling mga sasakyan ng aktor na naka-parking sa harapang bahagi ng kanyang bahay.
Mga sasakyan ito na naipundar ni John sa ilang taon nito sa industriya ng showbiz. Matapos ang halos tatlong dekada nito sa pag-arte, naitayo nito ang naturang bahay at nakabili ito ng mamahaling mga sasakyan.
Kasama din ni John na nakatira sa naturang bahay ang kanyang pangalawang asawa na si Priscilla Meirelles at ang kanilang anak na si Anechka. Madalas, sa kanilang mga Instagram accounts ay nagbabahagi ang mga ito ng mga larawan ng kanilang magandang bahay na talaga namang inaabangan ng kanilang mga tagasuporta.
Ayon kay John, ang naturang bahay ay ang kanya umanong maituturing na kanyang dream home. Taong 2012 pa umano ipinatayo ang bahay na ito ngunit nito lamang 2020 sila tuluyang tumira rito.
Sa kasalukuyan, ang naturang vlog ni Long tungkol sa pagpunta niya sa bahay na ito ni John ay umani na ng mahigit sa 600 000 views lang naman sa Youtube. Inulan din ito ng mga komento tungkol sa pagkamangha ng mga netizen sa bahay ng aktor at paghanga na rin para sa matibay na pagkakaibigan umano nina Long at John.
Ani ng mga ito, sa kabila umano ng mga narating ni John ay nanatili pa rin umano ang pagiging mapagkumbaba nito na nakikita nila sa naturang vlog. Pinuri rin ng mga ito ang aktor dahil sa magandang bahay at maayos na buhay na naipundar nito matapos ang ilang taong pagsisikap sa showbiz.
Taong 2011 nang maikasal si John kay Priscilla at ngayon ay mayroon na silang isang anak. Ngunit, bago ito ay nagkaroon muna ng apat na anak si John sa dati nitong asawa na si Janice de Belen.
Source: Kiat Media
0 Comments