Mabuti na lamang at hindi nasaktan o walang seryosong tinamo ang aktor at apo ni Comedy King Dolphy na si Boy 2 Quizon matapos nitong masangkot sa isang aksidente sa kalsada nitong madaling araw ng ika-15 ng Enero.
Nabangga umano ng isang puting van na minamaneho ng isang babae ang likurang bahagi ng sasakyan ni Quizon bandang alas 3:00 ng madaling araw. Nangyari ang nasabing aksidente sa mga U-Turn Area ng Quezon Avenue.
Ayon sa mga larawan ng aksidente, kitang wasak na wasak ang likurang bahagi ng minamanehong sasakyan ni Quizon. Pagkukuwento umano ng aktor, papuntang U-Turn na umano sana ito sa may Banawe area ng Quezon Ave. nang bigla na lamang daw itong banggain ng isang puting van.
Maliban sa nasira na likurang bahagi ng sasakyan ni Quizon, nasira din ang ilang mga concrete barrier sa pinangyarihan ng aksidente. Maliban kay Quizon, sakay din ng kanyang sasakyan ang kasamahan nitong babae na swerteng hindi rin nasugatan sa aksidente.
Pagsasalaysay pa ng aktor, kasama ang isang babae ay nagmamaneho ito mula sa bahay ng kanyang tita papunta sanang Timog Ave. Halos limang minuto din umanong natulala ang aktor nang mangyari ang aksidente at hindi agad nagawang makalabas sa sasakyan.
Ayon sa mga naroroong residente malapit sa pinangyarihan ng banggaan, nabigla din umano ang mga ito dahil sa malakas na kalabog ng aksidente. Nabawasan naman ang pag-aalala ng mga ito nang lumabas sa sasakyan nito ang nahimasmasan nang si Quizon.
Samantala, tumanggi naman umano na humarap sa media ang babaeng nagmamaneho ng puting van na nakabangga sa kotse ni Quizon. Kinilala lamang ito sa pangalang Pamela ngunit, hindi ito nagpaunlak sa camera.
Ayon naman sa ulat, aminado umano ang nasabing babae na nakatulog ito habang nagmamaneho kaya nangyari ang aksidente. Gaya ng sasakyan ni Quizon ay lubha ring nawasak ang unahang bahagi naman ng minamanehong van ng naturang Pamela. Swerte rin na maging ito ay wala ring sugat na tinamo sa aksidente.
Mabuti na lamang din umano at mayroong mga pulis na agad rumespunde sa aksidente. Agad din umano na nakuha sa kalsada ang napinsalang sasakyan ni Quizon at ang puting van na bumangga rito.
Matapos ang aksidente ay nakatakdang magharap o mag-usap sina Quizon at si Pamela na driver ng puting van patungkol sa nangyaring aksidente.
Samantala, laking pasasalamat naman ang marami na hindi nasaktan ang aktor at wala ring nasaktan sa mga nasangkot sa aksidente. Ngunit, kinondena ng mga ito ang driver ng van na nakatulog habang nagmamaneho na dahilan kaya nangyari ang aksidente. Saad pa nga ng isang netizen tungkol dito,
“Kapag inaantok, matulog. ‘Wag magmamaneho. Mandadamay pa, pAano kung another innocent life ng may pamilya ang nabangga? Tsk! Dapat talaga ‘pag ganito ka pabaya ang driver, tanggalan nA ng drivers license. Block na. Be responsible! Life is on the line.”
Si Quezon ay isa sa mga apo ng namayapang Comedy King na si Dolphy. Maliban sa pagiging isang aktor ay isa rin itong komedyante at regular na napapanood sa GMA gag show na ‘Bubble Gang’. Si Quizon ay nagtatrabaho rin bilang isang producer at direktor.
Source: artistaph
Source: Kiat Media
0 Comments