Makagwapo, Hindi Pinalagpas si Xander Ford Matapos Dinamay ang Kaniyang Nobya

Hindi pinalagpas ni ‘Makagwapo’ si Xander Ford matapos dinamay nito ang kaniyang girlfriend sa kanilang rivalry sa Mobile Legends.

Si Christian Merck Grey o mas kilala bilang “Makagwapo,” nagpahayag ng kaniyang saloobin patungkol sa sinabi ni Xander Ford sa pagdamay nito sa kaniyang bagong nobya. Sa sobrang galit, tinawag niya si Xander Ford na “ugly” at hinamon niya ito sa isang boxing match.

Dagdag pa nito, hindi siya matatalo ni Xander Ford sa isang “Mobile Legend” game at basketball match lalo na dinamay pa nito ang kaniyang girlfriend na si Pam Esguerra. 

Kilala si Christian bilang isang sikat na YouTube vlogger na famous sa kaniyang mga prank vlogs and video contents.

Ngunit hindi rin nagpatinag si Xander Ford, inakusahan pa niya si Christian Merck Grey na nagpanggap na mayroong magarang sasakyan at bahay. Iginiit niya na kung natalo niya si Christian sa Mobile Legends, nasa kaniya na sana si Pam Esguerra, bagong girlfriend ni Christian. 

Timbog din ang issue nito noon ni Xander Ford o kilala sa tunay na pangalan bilang Marlou Arizala sa kaniyang pagkaka-aresto dahil sa pananakit at pang-aabuso sa kaniyang ex-girlfriend.

Ngunit ang talent agency ni Xander na Star Image Artist Management ang nagpiyansa ng nagkakahalagang P 18, 000 para sa pansamantalang paglaya mula sa Moriones Police Station. 

Si Marlou Arizala o mas kilala bilang ‘Xander Ford’ ay isang social media personality and influencer at member ng Hasht5, boy band parody na naging viral ang mga videos noong 2015.

Sa isyu naman ni Merck, matandaan nu’ng mga nakaraang buwan na si Christian ay inakusahan din ng kaniyang ex-girlfriend na si Caffey Namindang ‘Makaganda’ sa pagiging unfair sa pagbibigay ng earnings sa YouTube patungkol sa forced daring scenes.

Ibinunyag din ni Caffey sa kaniyang Facebook live na “scripted” lahat ng kanilang vlogs ng boyfriend niya noon.

Dagdag pa ni Caffey, ideya lahat ni Christian Grey ang malalaswang content ng kanilang video kahit na labag ito sa kaniyang kalooban.  Nagbanta ang magulang ni Caffey na magsasampa sila ng kaso laban kay Christian Grey. 

Kalaunan, pinatawad din ni Caffey si Christian Grey at hiling niya sa mga fans na huwag na siyang tawagin na ‘Makaganda’ at kilalanin ang tunay na siya.

Panoorin ang buong video dito!

Source: Kiat Media